Bhoothanatha Dasakam in Telugu
భూతనాథ దశకం అంటే “భూతాల ప్రభువుకు 10 శ్లోకాల ప్రార్థన” అని అర్ధం. అయ్యప్ప శివుని భూతాలకు అధిపతి కాబట్టి ఆయనను భూతనాథగా పూజిస్తారు. ఈ ప్రార్థనలో, అతను తన భార్యలు, పూర్ణ మరియు పుష్కలతో ఉన్న భూతనాథగా పూజించబడ్డాడు.
శ్రీ భూతనాథ దశకం
పాండ్యభూపతీంద్రపూర్వపుణ్యమోహనాకృతే
పండితార్చితాంఘ్రిపుండరీక పావనాకృతే |
పూర్ణచంద్రతుండవేత్రదండవీర్యవారిధే
పూర్ణపుష్కలాసమేత భూతనాథ పాహి మామ్ || 1 ||
ఆదిశంకరాచ్యుతప్రియాత్మసంభవ ప్రభో
ఆదిభూతనాథ సాధుభక్తచింతితప్రద |
భూతిభూష వేదఘోషపారితోష శాశ్వత
పూర్ణపుష్కలాసమేత భూతనాథ పాహి మామ్ || 2 ||
పంచబాణకోటికోమలాకృతే కృపానిధే
పంచగవ్యపాయసాన్నపానకాదిమోదక |
పంచభూతసంచయ ప్రపంచభూతపాలక
పూర్ణపుష్కలాసమేత భూతనాథ పాహి మామ్ || 3 ||
చంద్రసూర్యవీతిహోత్రనేత్ర నేత్రమోహన
సాంద్రసుందరస్మితార్ద్ర కేసరీంద్రవాహన |
ఇంద్రవందనీయపాద సాధువృందజీవన
పూర్ణపుష్కలాసమేత భూతనాథ పాహి మామ్ || 4 ||
వీరబాహువర్ణనీయవీర్యశౌర్యవారిధే
వారిజాసనాదిదేవవంద్య సుందరాకృతే |
వారణేంద్రవాజిసింహవాహ భక్తశేవధే
పూర్ణపుష్కలాసమేత భూతనాథ పాహి మామ్ || 5 ||
అత్యుదారభక్తచిత్తరంగనర్తనప్రభో
నిత్యశుద్ధనిర్మలాద్వితీయ ధర్మపాలక |
సత్యరూప ముక్తిరూప సర్వదేవతాత్మక
పూర్ణపుష్కలాసమేత భూతనాథ పాహి మామ్ || 6 ||
సామగానలోల శాంతశీల ధర్మపాలక
సోమసుందరాస్య సాధుపూజనీయపాదుక |
సామదానభేదదండశాస్త్రనీతిబోధక
పూర్ణపుష్కలసమేత భూతనాథ పాహి మామ్ || 7 ||
సుప్రసన్నదేవదేవ సద్గతిప్రదాయక
చిత్ప్రకాశ ధర్మపాల సర్వభూతనాయక |
సుప్రసిద్ధ పంచశైలసన్నికేతనర్తక
పూర్ణపుష్కలాసమేత భూతనాథ పాహి మామ్ || 8 ||
శూలచాపబాణఖడ్గవజ్రశక్తిశోభిత
బాలసూర్యకోటిభాసురాంగ భూతసేవిత |
కాలచక్ర సంప్రవృత్తి కల్పనా సమన్విత
పూర్ణపుష్కలాసమేత భూతనాథ పాహి మామ్ || 9 ||
అద్భుతాత్మబోధసత్సనాతనోపదేశక
బుద్బుదోపమప్రపంచవిభ్రమప్రకాశక |
సప్రథప్రగల్భచిత్ప్రకాశ దివ్యదేశిక
పూర్ణపుష్కలాసమేత భూతనాథ పాహి మామ్ || 10 ||
ఇతి శ్రీ భూతనాథ దశకం |
Also read :శ్రీ అయ్యప్ప సుప్రభాతం
