Chandra Stotram in Telugu
చంద్ర స్తోత్రం అనేది నవగ్రహాలలో ఒకరైన చంద్రుడు లేదా చంద్ర గ్రహానికి ప్రార్థన. చంద్ర గ్రహ అనుగ్రహం కోసం భక్తితో జపించండి మరియు
శ్రీ చంద్ర స్తోత్రం
ధ్యానం
శ్వేతాంబరాన్వితతనుం వరశుభ్రవర్ణం |
శ్వేతాశ్వయుక్తరథగం సురసేవితాంఘ్రిమ్ ||
దోర్భ్యాం ధృతాభయవరం వరదం సుధాంశుం |
శ్రీవత్సమౌక్తికధరం ప్రణమామి నిత్యమ్ ||
వాసుదేవస్య నయనం శంకరస్య విభూషణం |
శ్వేతమాల్యాంబరధరం శ్వేతగంధానులేపనం ||
శ్వేతచ్ఛత్రధరం వందే సర్వాభరణభూషితం |
ఆగ్నేయభాగే సరథో దశాశ్వశ్చాత్రేయజో యామునదేశగశ్చ |
ప్రత్యఙ్ముఖస్థశ్చతురశ్రపీఠే గదాధరోనో వతు రోహిణీశః ||
చంద్రం నమామి వరదం శంకరస్య విభూషణం |
కళానిధిం కాంతిరూపం కేయూరమకుటోజ్జ్వలం ||
వరదం వంద్యచరణం వాసుదేవస్య లోచనం |
సర్వలోకాసేచనకం చంద్రం తం ప్రణతోస్మ్యహం ||
సర్వంజగజ్జీవయతి సుధారసమయైః కరైః |
సోమ దేహి మమారోగ్యం సుధాపూరితమండల |
రాజా త్వం బ్రాహ్మణానాం చ రమాయా అపి సోదరః |
ఓషధీనాం చాఽధిపతిః రక్షమాం రజనీపతే ||
కళ్యాణమూర్తే వరద కరుణారసవారిధే |
కలశోదధిసంజాతకలానాథ కృపాం కురు ||
క్షీరార్ణవసముద్భూత చింతామణి సహోద్భవ |
కామితార్థాన్ ప్రదేహి త్వం కల్పద్రుమ సహోదర ||
శ్వేతాంబరః శ్వేతవిభూషణాఢ్యః |
గదాధరః శ్వేతరుచిర్ద్విబాహుః ||
చంద్రః సుధాత్మా వరదః కిరీటీ |
శ్రేయాంసి మహ్యం ప్రదదాతు దేవః ||
క్షయాపస్మారకుష్ఠాది తాపజ్వరనివారణం |
సర్వసంపదమాప్నోతి స్తోత్రపాఠాన్నసంశయః ||
ఇదం నిశాకరస్తోత్రం యః పఠేత్సతతం నరః |
ఉపద్రవాత్సముచ్యేత నాత్రకార్యా విచారణా ||
ఇతి శ్రీ చంద్ర స్తోత్రం సంపూర్ణం ||
Also read :శ్రీ నాగ దేవత కవచం
