Kanti Sukravaramu Keerthana in Telugu
కంటి శుక్రవారము అనేది వెంకటేశ్వర స్వామిపై అన్నమయ్య రచించిన ప్రసిద్ధ కీర్తన (భక్తి గీతం).
కంటి శుక్రవారము గడియలేడింట
కంటి శుక్రవారము గడియలేడింట |
అంటి అలమేల్మంగ అండనుండే స్వామిని ||
సొమ్ములన్నీ కడబెట్టి సొంపుతో గోణముగట్టి
కమ్మని కదంబము కప్పు పన్నీరు |
చెమ్మతోన వేష్టువలు రొమ్ముతల మొలజుట్టి
తుమ్మెద మై ఛాయతోన నెమ్మదినుండే స్వామిని ||
పచ్చకప్పురమె నూరి పసిడి గిన్నెలనించి
తెచ్చి శిరసాదిగ దిగనలది |
అచ్చెరపడి చూడ అందరి కన్నులకింపై
నిచ్చమల్లెపూవువలె నిటుతానుండే స్వామిని ||
తట్టుపునుగే కూరిచి చట్టలు చేరిచినిప్పు
పట్టి కరగించి వెండి పళ్యాలనించి |
దట్టముగ మేనునిండ పట్టించి దిద్ది
బిట్టు వేడుక మురియు చుండే బిత్తరి స్వామిని ||
Also read :శ్రీ వేంకటేశ అష్టకం
