Dattatreya Sahasranama Stotram in Telugu
దత్తాత్రేయ సహస్రనామ స్తోత్రం అనేది దత్తాత్రేయ భగవానుని 1000 నామాలు ఒక శ్లోకం రూపంలో కూర్చారు. తెలుగు పిడిఎఫ్ సాహిత్యంలో శ్రీ దత్తాత్రేయ సహస్రనామ స్తోత్రం ఇక్కడ పొందండి మరియు దత్తాత్రేయుని అనుగ్రహం కోసం 1000 నామాలను జపించండి.
శ్రీ దత్తాత్రేయ సహస్రనామ స్తోత్రం
శ్రీదత్తాత్రేయాయ సచ్చిదానందాయ సర్వాంతరాత్మనే సద్గురవే పరబ్రహ్మణే నమః |
కదాచిచ్ఛంకరాచార్యశ్చింతయిత్వా దివాకరమ్ |
కిం సాధితం మయా లోకే పూజయా స్తుతివందనైః || 1 ||
బహుకాలే గతే తస్య దత్తాత్రేయాత్మకో మునిః |
స్వప్నే ప్రదర్శయామాస సూర్యరూపమనుత్తమమ్ || 2 ||
ఉవాచ శంకరం తత్ర పతద్రూపమధారయత్ |
ప్రాప్యసే త్వం సర్వసిద్ధికారణం స్తోత్రముత్తమమ్ || 3 ||
ఉపదేక్ష్యే దత్తనామసహస్రం దేవపూజితమ్ |
దాతుం వక్తుమశక్యం చ రహస్యం మోక్షదాయకమ్ || 4 ||
జపేషు పుణ్యతీర్థేషు చాంద్రాయణశతేషు చ |
యజ్ఞవ్రతాదిదానేషు సర్వపుణ్యఫలప్రదమ్ || 5 ||
శతవారం జపేన్నిత్యం కర్మసిద్ధిర్న సంశయః |
ఏకేనోచ్చారమాత్రేణ తత్స్వరూపం లభేన్నరః || 6 ||
యోగత్రయం చ లభతే సర్వయోగాన్న సంశయః |
మాతృపితృగురూణాం చ హత్యాదోషో వినశ్యతి || 7 ||
అనేన యః కిమిత్యుక్త్వా రౌరవం నరకం వ్రజేత్ |
పఠితవ్యం శ్రావితవ్యం శ్రద్ధాభక్తిసమన్వితైః || 8 ||
సంకరీకృతపాపైశ్చ మలినీకరణైరపి |
పాపకోటిసహస్రైశ్చ ముచ్యతే నాత్ర సంశయః || 8 ||
యద్గృహే సంస్థితం స్తోత్రం దత్తనామసహస్రకమ్ |
సర్వావశ్యాదికర్మాణి సముచ్చార్య జపేద్ధ్రువమ్ || 10 ||
తత్తత్కార్యం చ లభతే మోక్షవాన్ యోగవాన్ భవేత్ ||
ఓం అస్య శ్రీదత్తాత్రేయసహస్రనామస్తోత్రమంత్రస్య బ్రహ్మఋషిః | అనుష్టుప్ఛందః | శ్రీదత్తపురుషః పరమాత్మా దేవతా | ఓం హంసహంసాయ విద్మహే ఇతి బీజమ్ | సోఽహం సోఽహం చ ధీమహి ఇతి శక్తిః | హంసః సోఽహం చ ప్రచోదయాత్ ఇతి కీలకమ్ | శ్రీపరమపురుషపరమహంసపరమాత్మప్రీత్యర్థే జపే వినియోగః ||
ఓం హంసో గణేశాయ అంగుష్ఠాభ్యాం నమః |
ఓం హంసీ ప్రజాపతయే తర్జనీభ్యాం నమః |
ఓం హంసూం మహావిష్ణవే మధ్యమాభ్యాం నమః |
ఓం హంసైః శంభవే అనామికాభ్యాం నమః |
ఓం హంసౌ జీవాత్మనే కనిష్ఠికాభ్యాం నగః |
ఓం హంసః పరమాత్మనే కరతలకరపృష్ఠాభ్యాం నమః |
ఏవం హృదయాదిషడంగన్యాసః |
ఓం హంసః సోఽహం హంసః ఇతి దిగ్బంధః ||
ధ్యానమ్ |
బాలార్కప్రభమింద్రనీలజటిలం భస్మాంగరాగోజ్జ్వలం
శాంతం నాదవిలీనచిత్తపవనం శార్దూలచర్మాంబరమ్ |
బ్రహ్మాద్యైః సనకాదిభిః పరివృతం సిద్ధైర్మహాయోగిభిః
దత్తాత్రేయముపాస్మహే హృది ముదా ధ్యేయం సదా యోగినామ్ || ౧ ||
ఓం శ్రీమాన్దేవో విరూపాక్షో పురాణపురుషోత్తమః |
బ్రహ్మా పరో యతీనాథో దీనబంధుః కృపానిధిః || ౧ ||
సారస్వతో మునిర్ముఖ్యస్తేజస్వీ భక్తవత్సలః |
ధర్మో ధర్మమయో ధర్మీ ధర్మదో ధర్మభావనః || ౨ ||
భాగ్యదో భోగదో భోగీ భాగ్యవాన్ భానురంజనః |
భాస్కరో భయహా భర్తా భావభూర్భవతారణః || ౩ ||
కృష్ణో లక్ష్మీపతిర్దేవః పారిజాతాపహారకః |
సింహాద్రినిలయః శంభుర్వ్యకటాచలవాసకః || ౪ ||
కోల్లాపురః శ్రీజపవాన్ మాహురార్జితభిక్షుకః |
సేతుతీర్థవిశుద్ధాత్మా రామధ్యానపరాయణః || ౫ ||
రామార్చితో రామగురుః రామాత్మా రామదైవతః |
శ్రీరామశిష్యో రామజ్ఞో రామైకాక్షరతత్పరః || ౬ ||
శ్రీరామమంత్రవిఖ్యాతో రామమంత్రాబ్ధిపారగః |
రామభక్తో రామసఖా రామవాన్ రామహర్షణః || ౭ ||
అనసూయాత్మజో దేవదత్తశ్చాత్రేయనామకః |
సురూపః సుమతిః ప్రాజ్ఞః శ్రీదో వైకుంఠవల్లభః || ౮ ||
విరజస్థానకః శ్రేష్ఠః సర్వో నారాయణః ప్రభుః |
కర్మజ్ఞః కర్మనిరతో నృసింహో వామనోఽచ్యుతః || ౯ ||
కవిః కావ్యో జగన్నాథో జగన్మూర్తిరనామయః |
మత్స్యః కూర్మో వరాహశ్చ హరిః కృష్ణో మహాస్మయః || ౧౦ ||
రామో రామో రఘుపతిర్బుద్ధః కల్కీ జనార్దనః |
గోవిందో మాధవో విష్ణుః శ్రీధరో దేవనాయకః || ౧౧ ||
త్రివిక్రమః కేశవశ్చ వాసుదేవో మహేశ్వరః |
సంకర్షణః పద్మనాభో దామోదరపరః శుచిః || ౧౨ ||
శ్రీశైలవనచారీ చ భార్గవస్థానకోవిదః |
అహోబలనివాసీ చ స్వామీ పుష్కరణీప్రియః || ౧౩ ||
కుంభకోణనివాసీ చ కాంచివాసీ రసేశ్వరః |
రసానుభోక్తా సిద్ధేశః సిద్ధిమాన్ సిద్ధవత్సలః || ౧౪ ||
సిద్ధరూపః సిద్ధవిధిః సిద్ధాచారప్రవర్తకః |
రసాహారో విషాహారో గంధకాది ప్రసేవకః || ౧౫ ||
యోగీ యోగపరో రాజా ధృతిమాన్ మతిమాన్సుఖీ |
బుద్ధిమాన్నీతిమాన్ బాలో హ్యున్మత్తో జ్ఞానసాగరః || ౧౬ ||
యోగిస్తుతో యోగిచంద్రో యోగివంద్యో యతీశ్వరః |
యోగాదిమాన్ యోగరూపో యోగీశో యోగిపూజితః || ౧౭ ||
కాష్ఠయోగీ దృఢప్రజ్ఞో లంబికాయోగవాన్ దృఢః |
ఖేచరశ్చ ఖగః పూషా రశ్మివాన్భూతభావనః || ౧౮ ||
బ్రహ్మజ్ఞః సనకాదిభ్యః శ్రీపతిః కార్యసిద్ధిమాన్ |
స్పృష్టాస్పృష్టవిహీనాత్మా యోగజ్ఞో యోగమూర్తిమాన్ || ౧౯ ||
మోక్షశ్రీర్మోక్షదో మోక్షీ మోక్షరూపో విశేషవాన్ |
సుఖప్రదః సుఖః సౌఖ్యః సుఖరూపః సుఖాత్మకః || ౨౦ ||
రాత్రిరూపో దివారూపః సంధ్యాఽఽత్మా కాలరూపకః |
కాలః కాలవివర్ణశ్చ బాలః ప్రభురతుల్యకః || ౨౧ ||
సహస్రశీర్షా పురుషో వేదాత్మా వేదపారగః |
సహస్రచరణోఽనంతః సహస్రాక్షో జితేంద్రియః || ౨౨ ||
స్థూలసూక్ష్మో నిరాకారో నిర్మోహో భక్తమోహవాన్ |
మహీయాన్పరమాణుశ్చ జితక్రోధో భయాపహః || ౨౩ ||
యోగానందప్రదాతా చ యోగో యోగవిశారదః |
నిత్యో నిత్యాత్మవాన్ యోగీ నిత్యపూర్ణో నిరామయః || ౨౪ ||
దత్తాత్రేయో దేవదత్తో యోగీ పరమభాస్కరః |
అవధూతః సర్వనాథః సత్కర్తా పురుషోత్తమః || ౨౫ ||
జ్ఞానీ లోకవిభుః కాంతః శీతోష్ణసమబుద్ధకః |
విద్వేషీ జనసంహర్తా ధర్మబుద్ధివిచక్షణః || ౨౬ ||
నిత్యతృప్తో విశోకశ్చ ద్విభుజః కామరూపకః |
కల్యాణోఽభిజనో ధీరో విశిష్టః సువిచక్షణః || ౨౭ ||
శ్రీమద్భాగవతార్థజ్ఞో రామాయణవిశేషవాన్ |
అష్టాదశపురాణజ్ఞో షడ్దర్శనవిజృంభకః || ౨౮ ||
నిర్వికల్పః సురశ్రేష్ఠో హ్యుత్తమో లోకపూజితః |
గుణాతీతః పూర్ణగుణీ బ్రహ్మణ్యో ద్విజసంవృతః || ౨౯ ||
దిగంబరో మహాజ్ఞేయో విశ్వాత్మాఽఽత్మపరాయణః |
వేదాంతశ్రవణో వేదీ కలావాన్నిష్కలత్రవాన్ || ౩౦ ||
మితభాష్య మితాభాషీ సౌమ్యో రామో జయః శివః |
సర్వజిత్ సర్వతోభద్రో జయకాంక్షీ సుఖావహః || ౩౧ ||
ప్రత్యర్థికీర్తిసంహర్తా మందరార్చితపాదుకః |
వైకుంఠవాసీ దేవేశో విరజాస్నానమానసః || ౩౨ ||
శ్రీమేరునిలయో యోగీ బాలార్కసమకాంతిమాన్ |
రక్తాంగః శ్యామలాంగశ్చ బహువేషో బహుప్రియః || ౩౩ ||
మహాలక్ష్మ్యన్నపూర్ణేశః స్వధాకారో యతీశ్వరః |
స్వర్ణరూపః స్వర్ణదాయీ మూలికాయంత్రకోవిదః || ౩౪ ||
అనీతమూలికాయంత్రో భక్తాభీష్టప్రదో మహాన్ |
శాంతాకారో మహామాయో మాహురస్థో జగన్మయః || ౩౫ ||
బద్ధాసనశ్చ సూక్ష్మాంశీ మితాహారో నిరుద్యమః |
ధ్యానాత్మా ధ్యానయోగాత్మా ధ్యానస్థో ధ్యానసత్ప్రియః || ౩౬ ||
సత్యధ్యానః సత్యమయః సత్యరూపో నిజాకృతిః |
త్రిలోకగురురేకాత్మా భస్మోద్ధూలితవిగ్రహః || ౩౭ ||
ప్రియాప్రియసమః పూర్ణో లాభాలాభసమప్రియః |
సుఖదుఃఖసమో హ్రీమాన్ హితాహితసమః పరః || ౩౮ ||
గురుర్బ్రహ్మా చ విష్ణుశ్చ మహావిష్ణుః సనాతనః |
సదాశివో మహేంద్రశ్చ గోవిందో మధుసూదనః || ౩౯ ||
కర్తా కారయితా రుద్రః సర్వచారీ తు యాచకః |
సంపత్ప్రదో వృష్టిరూపో మేఘరూపస్తపఃప్రియః || ౪౦ ||
తపోమూర్తిస్తపోరాశిస్తపస్వీ చ తపోధనః |
తపోమయస్తపఃశుద్ధో జనకో విశ్వసృగ్విధిః || ౪౧ ||
తపఃసిద్ధస్తపఃసాధ్యస్తపఃకర్తా తపఃక్రతుః |
తపఃశమస్తపఃకీర్తిస్తపోదారస్తపోఽత్యయః || ౪౨ ||
తపోరేతస్తపోజ్యోతిస్తపాత్మా చాత్రినందనః |
నిష్కల్మషో నిష్కపటో నిర్విఘ్నో ధర్మభీరుకః || ౪౩ ||
వైద్యుతస్తారకః కర్మవైదికో బ్రాహ్మణో యతిః |
నక్షత్రతేజో దీప్తాత్మా పరిశుద్ధో విమత్సరః || ౪౪ ||
జటీ కృష్ణాజినపదో వ్యాఘ్రచర్మధరో వశీ |
జితేంద్రియశ్చీరవాసీ శుక్లవస్త్రాంబరో హరిః || ౪౫ ||
చంద్రానుజశ్చంద్రముఖః శుకయోగీ వరప్రదః |
దివ్యయోగీ పంచతపో మాసర్తువత్సరాననః || ౪౬ ||
భూతజ్ఞో వర్తమానజ్ఞ హ్యేయజ్ఞో ధర్మవత్సలః |
ప్రజాహితః సర్వహితో హ్యనింద్యో లోకవందితః || ౪౭ ||
ఆకుంచయోగసంబద్ధమలమూత్రరసాదికః |
కనకీభూతమలవాన్ రాజయోగవిచక్షణః || ౪౮ ||
శకటాదివిశేషజ్ఞో లంబికానీతితత్పరః |
ప్రపంచరూపీ బలవాన్ ఏకకౌపీనవస్త్రకః || ౪౯ ||
దిగంబరః సోత్తరీయః సజటః సకమండలుః |
నిర్దండశ్చాసిదండశ్చ స్త్రీవేషః పురుషాకృతిః || ౫౦ ||
తులసీకాష్ఠమాలీ చ రౌద్రః స్ఫటికమాలికః |
నిర్మాలికః శుద్ధతరః స్వేచ్ఛా అమరవాన్ పరః || ౫౧ ||
ఉర్ధ్వపుండ్రస్త్రిపుండ్రాంకో ద్వంద్వహీనః సునిర్మలః |
నిర్జటః సజటో హేయో భస్మశాయీ సుభోగవాన్ || ౫౨ ||
మూత్రస్పర్శో మలస్పర్శోజాతిహీనః సుజాతికః |
అభక్ష్యభక్షో నిర్భక్షో జగద్వందితదేహవాన్ || ౫౩ ||
భూషణో దూషణసమః కాలాకాలో దయానిధిః |
బాలప్రియో బాలరుచిర్బాలవానతిబాలకః || ౫౪ ||
బాలక్రీడో బాలరతో బాలసంఘవృతో బలీ |
బాలలీలావినోదశ్చ కర్ణాకర్షణకారకః || ౫౫ ||
క్రయానీతవణిక్పణ్యో గుడసూపాదిభక్షకః |
బాలవద్గీతసందృష్టో ముష్టియుద్ధకరశ్చలః || ౫౬ ||
అదృశ్యో దృశ్యమానశ్చ ద్వంద్వయుద్ధప్రవర్తకః |
పలాయమానో బాలాఢ్యో బాలహాసః సుసంగతః || ౫౭ ||
ప్రత్యాగతః పునర్గచ్ఛచ్చక్రవద్గమనాకులః |
చోరవద్ధృతసర్వస్వో జనతాఽఽర్తికదేహవాన్ || ౫౮ ||
ప్రహసన్ప్రవదన్దత్తో దివ్యమంగలవిగ్రహః |
మాయాబాలశ్చ మాయావీ పూర్ణలీలో మునీశ్వరః || ౫౯ ||
మాహురేశో విశుద్ధాత్మా యశస్వీ కీర్తిమాన్ యువా |
సవికల్పః సచ్చిదాభో గుణవాన్ సౌమ్యభావనః || ౬౦ ||
పినాకీ శశిమౌలీ చ వాసుదేవో దివస్పతిః |
సుశిరాః సూర్యతేజశ్చ శ్రీగంభీరోష్ఠ ఉన్నతిః || ౬౧ ||
దశపద్మా త్రిశీర్షశ్చ త్రిభిర్వ్యాప్తో ద్విశుక్లవాన్ |
త్రిసమశ్చ త్రితాత్మశ్చ త్రిలోకశ్చ త్రయంబకః || ౬౨ ||
చతుర్ద్వంద్వస్త్రియవనస్త్రికామో హంసవాహనః |
చతుష్కలశ్చతుర్దంష్ట్రో గతిః శంభుః ప్రియాననః || ౬౩ ||
చతుర్మతిర్మహాదంష్ట్రో వేదాంగీ చతురాననః |
పంచశుద్ధో మహాయోగీ మహాద్వాదశవానకః || ౬౪ ||
చతుర్ముఖో నరతనురజేయశ్చాష్టవంశవాన్ |
చతుర్దశసమద్వంద్వో ముకురాంకో దశాంశవాన్ || ౬౫ ||
వృషాంకో వృషభారూఢశ్చంద్రతేజః సుదర్శనః |
సామప్రియో మహేశానశ్చిదాకారోః నరోత్తమః || ౬౬ ||
దయావాన్ కరుణాపూర్ణో మహేంద్రో మాహురేశ్వరః |
వీరాసనసమాసీనో రామో రామపరాయణః || ౬౭ ||
ఇంద్రో వహ్నిర్యమః కాలో నిరృతిర్వరుణో యమః |
వాయుశ్చ రుద్రశ్చేశానో లోకపాలో మహాయశః || ౬౮ ||
యక్షగంధర్వనాగాశ్చ కిన్నరః శుద్ధరూపకః |
విద్యాధరశ్చాహిపతిశ్చారణః పన్నగేశ్వరః || ౬౯ ||
చండికేశః ప్రచండశ్చ ఘంటానాదరతః ప్రియః |
వీణాధ్వనిర్వైనతేయో నారదస్తుంబరుర్హరః || ౭౦ ||
వీణాప్రచండసౌందర్యో రాజీవాక్షశ్చ మన్మథః |
చంద్రో దివాకరో గోపః కేసరీ సోమసోదరః || ౭౧ ||
సనకః శుకయోగీ చ నందీ షణ్ముఖరాగకః |
గణేశో విఘ్నరాజశ్చ చంద్రాభో విజయో జయః || ౭౨ ||
అతీతకాలచక్రశ్చ తామసః కాలదండవాన్ |
విష్ణుచక్రః త్రిశూలేంద్రో బ్రహ్మదండో విరుద్ధకః || ౭౩ ||
బ్రహ్మాస్త్రరూపో సత్యేంద్రః కీర్తిమాన్గోపతిర్భవః |
వసిష్ఠో వామదేవశ్చ జాబాలీ కణ్వరూపకః || ౭౪ ||
సంవర్తరూపో మౌద్గల్యో మార్కండేయశ్చ కాశ్యపః |
త్రిజటో గార్గ్యరూపీ చ విషనాథో మహోదయః || ౭౫ ||
త్వష్టా నిశాకరః కర్మకాశ్యపశ్చ త్రిరూపవాన్ |
జమదగ్నిః సర్వరూపః సర్వనాదో యతీశ్వరః || ౭౬ ||
అశ్వరూపీ వైద్యపతిర్గరకంఠోఽంబికార్చితః |
చింతామణిః కల్పవృక్షో రత్నాద్రిరుదధిప్రియః || ౭౭ ||
మహామండూకరూపీ చ కాలాగ్నిసమవిగ్రహః |
ఆధారశక్తిరూపీ చ కూర్మః పంచాగ్నిరూపకః || ౭౮ ||
క్షీరార్ణవో మహారూపో వరాహశ్చ ధృతావనిః |
ఐరావతో జనః పద్మో వామనః కుముదాత్మవాన్ || ౭౯ ||
పుండరీకః పుష్పదంతో మేఘచ్ఛన్నోఽభ్రచారకః |
సితోత్పలాభో ద్యుతిమాన్ దృఢోరస్కః సురార్చితః || ౮౦ ||
పద్మనాభః సునాభశ్చ దశశీర్షః శతోదరః |
అవాఙ్ముఖో పంచవక్త్రో రక్షాఖ్యాత్మా ద్విరూపకః || ౮౧ ||
స్వర్ణమండలసంచారీ వేదిస్థః సర్వపూజితః |
స్వప్రసన్నః ప్రసన్నాత్మా స్వభక్తాభిముఖో మృదుః || ౮౨ ||
ఆవాహితః సన్నిహితో వరదో జ్ఞానవస్థితః |
శాలిగ్రామాత్మకో ధ్యాతో రత్నసింహాసనస్థితః || ౮౩ ||
అర్ఘ్యప్రియః పాద్యతుష్టశ్చాచమ్యార్చితపాదుకః |
పంచామృతః స్నానవిధిః శుద్ధోదకసుసంచితః || ౮౪ ||
గంధాక్షతసుసంప్రీతః పుష్పాలంకారభూషణః |
అంగపూజాప్రియః సర్వో మహాకీర్తిర్మహాభుజః || ౮౫ ||
నామపూజావిశేషజ్ఞః సర్వనామస్వరూపకః |
ధూపితో దివ్యధూపాత్మా దీపితో బహుదీపవాన్ || ౮౬ ||
బహునైవేద్యసంహృష్టో నిరాజనవిరాజితః |
సర్వాతిరంజితానందః సౌఖ్యవాన్ ధవలార్జునః || ౮౭ ||
విరాగో నిర్విరాగశ్చ యజ్ఞార్చాంగో విభూతికః |
ఉన్మత్తో భ్రాంతచిత్తశ్చ శుభచిత్తః శుభాహుతిః || ౮౮ ||
సురైరిష్టో లఘిష్టశ్చ బహిష్ఠో బహుదాయకః |
మహిష్ఠః సుమహౌజాశ్చ బలిష్ఠః సుప్రతిష్ఠితః || ౮౯ ||
కాశీగంగాంబుమజ్జశ్చ కులశ్రీమంత్రజాపకః |
చికురాన్వితభాలశ్చ సర్వాంగలిప్తభూతికః || ౯౦ ||
అనాదినిధనో జ్యోతిభార్గవాద్యః సనాతనః |
తాపత్రయోపశమనో మానవాసో మహోదయః || ౯౧ ||
జ్యేష్ఠః శ్రేష్ఠో మహారౌద్రః కాలమూర్తిః సునిశ్చయః |
ఊర్ధ్వః సమూర్ధ్వలింగశ్చ హిరణ్యో హేమలింగవాన్ || ౯౨ ||
సువర్ణః స్వర్ణలింగశ్చ దివ్యమూర్తిర్దివస్పతిః |
దివ్యలింగో భవో భవ్యః సర్వలింగస్తు సర్వకః || ౯౩ ||
శివలింగః శివో మాయో జ్వలస్తూజ్జ్వలలింగవాన్ |
ఆత్మా చైవాత్మలింగశ్చ పరమో లింగపారగః || ౯౪ ||
సోమః సూర్యః సర్వలింగః పాణియంత్రపవిత్రవాన్ |
సద్యోజాతస్తపోరూపో భవోద్భవ అనీశ్వరః || ౯౫ ||
తత్సవిద్రూపసవితా వరేణ్యశ్చ ప్రచోదయాత్ |
దూరదృష్టిర్దూరగతో దూరశ్రవణతర్పితః || ౯౬ ||
యోగపీఠస్థితో విద్వాన్ నమస్కారితరాసభః |
నమస్కృతశునశ్చాపి వజ్రకష్ట్యాతిభీషణః || ౯౭ ||
జ్వలన్ముఖః ప్రతీవాణీ సఖడ్గో ద్రావిడప్రజః |
పశుఘ్నశ్చ రసోన్మత్తో రసోర్ధ్వముఖరంజితః || ౯౮ ||
రసప్రియో రసాత్మా చ రసరూపీ రసేశ్వరః |
రసాధిదైవతో భౌమో రసాంగో రసభావనః || ౯౯ ||
రసోన్మదో రసకరో రసేంద్రో రసపూజకః |
రససిద్ధః సిద్ధరసో రసద్రవ్యో రసోన్ముఖః || ౧౦౦ ||
రసాంకితో రసాపూర్ణో రసదో రసికో రసీ |
గంధకాదస్తాలకాదో గౌరఃస్ఫటికసేవనః || ౧౦౧ ||
కార్యసిద్ధః కార్యరుచిర్బహుకార్యో న కార్యవాన్ |
అభేదీ జనకర్తా చ శంఖచక్రగదాధరః || ౧౦౨ ||
కృష్ణాజినకిరీటీ చ శ్రీకృష్ణాజినకంచుకః |
మృగయాయీ మృగేంద్రశ్చ గజరూపీ గజేశ్వరః || ౧౦౩ ||
దృఢవ్రతః సత్యవాదీ కృతజ్ఞో బలవాన్బలః |
గుణవాన్ కార్యవాన్ దాంతః కృతశోభో దురాసదః || ౧౦౪ ||
సుకాలో భూతనిహితః సమర్థశ్చాండనాయకః |
సంపూర్ణదృష్టిరక్షుబ్ధో జనైకప్రియదర్శనః || ౧౦౫ ||
నియతాత్మా పద్మధరో బ్రహ్మవాంశ్చానసూయకః |
ఉంచ్ఛవృత్తిరనీశశ్చ రాజభోగీ సుమాలికః || ౧౦౬ ||
సుకుమారో జరాహీనో చారఘ్నో మంజులేక్షణః |
సుపాదః స్వంగులీకశ్చ సుజంఘః శుభజానుకః || ౧౦౭ ||
శుభోరుః శుభలింగశ్చ సునాభో జఘనోత్తమః |
సుపార్శ్వః సుస్తనో నీలః సువక్షశ్చ సుజత్రుకః || ౧౦౮ ||
నీలగ్రీవో మహాస్కంధః సుభుజో దివ్యజంఘకః |
సుహస్తరేఖో లక్ష్మీవాన్ దీర్ఘపృష్ఠో యతిశ్చలః || ౧౦౯ ||
ఉన్మీలితోన్మీలితశ్చ విశాలాక్షశ్చ శుభ్రకః |
శుభమధ్యః సుభాలశ్చ సుశిరా నీలరోమకః || ౧౧౦ ||
బింబోష్ఠః శుభ్రదంతశ్చ విద్యుజ్జిహ్వః సుతాలుకః |
దీర్ఘనాసః సుతామ్రాక్షః సుకపోలః సుకర్ణకః || ౧౧౧ ||
విశిష్టగ్రామణిస్కంధః శిఖివర్ణో విభావసుః |
కైలాసేశో విచిత్రజ్ఞో వైకుంఠేంద్రో విచిత్రవాన్ || ౧౧౨ ||
మనసేంద్రశ్చక్రవాలో మహేంద్రో మందారధిపః |
మలయో వింధ్యరూపశ్చ హిమవాన్ మేరురూపకః || ౧౧౩ ||
సువేషో నవ్యరూపాత్మా మైనాకో గంధమాదనః |
సింహాచలశ్చ వేదాద్రిః శ్రీశైలః క్రకచాత్మకః || ౧౧౪ ||
నానాచలశ్చిత్రకూటో దుర్వాసో పర్వతాత్మజః |
యమునాకృష్ణవేణీశో భద్రేశో గౌతమీపతిః || ౧౧౫ ||
గోదావరీశో గంగాత్మా శోణకః కౌశికీపతిః |
నర్మదేశస్తు కావేరీతామ్రపర్ణీశ్వరో జటీ || ౧౧౬ ||
సరిద్రూపా నదాత్మా చ సముద్రః సరిదీశ్వరః |
హ్రాదినీశః పావనీశో నలినీశః సుచక్షుమాన్ || ౧౧౭ ||
సీతానదీపతిః సింధూరేవేశీ మురళీపతిః |
లవణేక్షుః క్షీరనిధిః సురాబ్ధిః సర్పిరంబుధిః || ౧౧౮ ||
దయాబ్ధిశుద్ధజలధిస్తత్వరూపీ ధనాధిపః |
భూపాలమధురాగజ్ఞో మాలనీరాగకోవిదః || ౧౧౯ ||
పౌండ్రక్రియాజ్ఞః శ్రీరాగో నానారాగార్ణవాంతకః |
వేదాదిరూపో హ్రీంరూపో హ్రూంరూపః క్లీంవికారకః || ౧౨౦ ||
గ్లూంమయః క్లీంమయః ప్రఖ్యో హూంమయః క్రౌంమయో భటః |
ధీంమయో లుఙ్మయో లాంగో ఘంమయః ఖంమయః ఖగః || ౧౨౧ ||
ఖంమయో ఞంమయశ్చాంగో బీజాంగో బీజజంమయః |
ఝంకరష్టంకరఃష్టంగో డంకరో ఢంకరోఽణుకః || ౧౨౨ ||
తంకరస్థంకరస్తుంగో ద్రాంముద్రారూపకః సుదః |
దక్షో దండీ దానవఘ్నో అప్రతిద్వంద్వవామదః || ౧౨౩ ||
ధంరూపో నంస్వరూపశ్చ పంకజాక్షశ్చ ఫంమయః |
మహేంద్రో మధుభోక్తా చ మందరేతాస్తు భంమయః || ౧౨౪ ||
రంమయో రింకరో రంగో లంకరః వంమయః శరః |
శంకరః షణ్ముఖో హంసః శంకరః శంకరోఽక్షయః || ౧౨౫ ||
ఓమిత్యేకాక్షరాత్మా చ సర్వబీజస్వరూపకః |
శ్రీకరః శ్రీపదః శ్రీశః శ్రీనిధిః శ్రీనికేతనః || ౧౨౬ ||
పురుషోత్తమః సుఖీ యోగీ దత్తాత్రేయో హృదిప్రియః |
తత్సంయుతః సదాయోగీ ధీరతంత్రః సుసాధకః || ౧౨౭ ||
పురుషోత్తమో యతిశ్రేష్ఠో దత్తాత్రేయః సఖీత్వవాన్ |
వసిష్ఠవామదేవాభ్యాం దత్తః పురుషః ఈరితః || ౧౨౮ ||
యావత్తిష్ఠతే హ్యస్మిన్ తావత్తిష్ఠతి తత్సుఖః |
య ఇదం శృణుయాన్నిత్యం బ్రహ్మసాయుజ్యతాం వ్రజేత్ || ౧౨౯ ||
భుక్తిముక్తికరం తస్య నాత్రకార్యా విచారణా |
ఆయుష్మత్పుత్రపౌత్రాంశ్చ దత్తాత్రేయః ప్రదర్శయేత్ || ౧౩౦ ||
ధన్యం యశస్యమాయుష్యం పుత్రభాగ్యవివర్ధనమ్ |
కరోతి లేఖనాదేవ పరార్థం వా న సంశయః || ౧౩౧ ||
యః కరోత్యుపదేశం చ నామదత్తసహస్రకమ్ |
స చ యాతి చ సాయుజ్యం శ్రీమాన్ శ్రీమాన్ న సంశయః || ౧౩౨ ||
పఠనాచ్ఛ్రవణాద్వాపి సర్వాన్కామానవాప్నుయాత్ |
ఖేచరత్వం కార్యసిద్ధిం యోగసిద్ధిమవాప్నుయాత్ || ౧౩౬ ||
బ్రహ్మరాక్షసవేతాలైః పిశాచైః కామినీముఖైః |
పీడాకరైః సుఖకరైర్గ్రహైర్దుష్టైర్న బాధ్యతే || ౧౩౪ ||
దేవైః పిశాచైర్ముచ్యేత సకృదుచ్చారణేన తు |
యస్మిన్ దేశే స్థితం చైతత్పుస్తకం దత్తనామకమ్ || ౧౩౫ ||
పంచయోజనవిస్తారం రక్షణం నాత్ర సంశయః |
సర్వబీజసమాయుక్తం స్తోత్రం నామసహస్రకమ్ || ౧౩౬ ||
సర్వమంత్రస్వరూపం చ దత్తాత్రేయస్వరూపకమ్ |
ఏకవారం పఠిత్వా తు తామ్రపాత్రే జలం స్పృశేత్ || ౧౩౭ ||
పీత్వా చేత్సర్వరోగైశ్చ ముచ్యతే నాత్ర సంశయః |
స్త్రీవశ్యం పురుషవశ్యం రాజవశ్యం జయావహమ్ || ౧౩౮ ||
సంపత్ప్రదం మోక్షకరం పఠేన్నిత్యమతంద్రితః |
లీయంతేఽస్మిన్ప్రపంచార్థాన్ వైరిశోకాదికారితః || ౧౩౯ ||
పఠనాత్తు ప్రసన్నోఽహం శంకరాచార్య బుద్ధిమాన్ |
భవిష్యతి న సందేహః పఠితః ప్రాతరేవ మామ్ || ౧౪౦ ||
ఉపదేక్ష్యే సర్వయోగాన్ లంబికాదిబహూన్వరాన్ |
దత్తాత్రేయస్తు చేత్యుక్త్వా స్వప్నే చాంతరధీయత || ౧౪౧ ||
స్వప్నాదుత్థాయ చాచార్యః విస్మయం పరమం గతః |
స్వప్నోపదిష్టం తం స్తోత్రం దత్తాత్రేయేన యోగినా || ౧౪౨ ||
సహస్రనామకం దివ్యం పఠిత్వా యోగవాన్భవేత్ |
జ్ఞానయోగయతిత్వం చ పరాకాయప్రవేశనమ్ || ౧౪౩ ||
బహువిద్యాఖేచరత్వం దీర్ఘాయుస్తత్ప్రసాదతః |
తదారభ్య భువి శ్రేష్ఠః ప్రసిద్ధశ్చాభవద్యతీ || ౧౪౪ ||
ఇతి శ్రీశంకరాచార్యస్వప్నావస్థాయాం దత్తాత్రేయోపదేశితం సకలపురాణవేదోక్త ప్రపంచార్థసారవత్ స్తోత్రం సంపూర్ణమ్ ||
Also read :శ్రీ శరభేశాష్టకం
