Sarabeswara Ashtakam in Telugu
శరబేశ్వర లేదా శరబేశ్వరమూర్తి శివుని “శరభ” రూపం. శరభ ఒక పురాణ జీవి, అంటే సగం సింహం మరియు సగం పక్షి, ఇది సింహం లేదా ఏనుగు కంటే శక్తివంతమైనదని చెప్పబడింది. శైవ గ్రంధాల ప్రకారం, విష్ణువు యొక్క నరసింహ అవతారాన్ని శాంతింపజేయడానికి శివుడు శరభ రూపాన్ని ధరించాడు. ఈ కథనాన్ని వైష్ణవులు ఖండించారు.
శ్రీ శరభేశాష్టకం
శ్రీ శివ ఉవాచ
శృణు దేవి మహాగుహ్యం పరం పుణ్యవివర్ధనం .
శరభేశాష్టకం మంత్రం వక్ష్యామి తవ తత్త్వతః ||
ఋషిన్యాసాదికం యత్తత్సర్వపూర్వవదాచరేత్ .
ధ్యానభేదం విశేషేణ వక్ష్యామ్యహమతః శివే ||
ధ్యానం
జ్వలనకుటిలకేశం సూర్యచంద్రాగ్నినేత్రం
నిశితతరనఖాగ్రోద్ధూతహేమాభదేహం |
శరభమథ మునీంద్రైః సేవ్యమానం సితాంగం
ప్రణతభయవినాశం భావయేత్పక్షిరాజం ||
అథ స్తోత్రం
దేవాదిదేవాయ జగన్మయాయ శివాయ నాలీకనిభాననాయ |
శర్వాయ భీమాయ శరాధిపాయ నమోఽస్తు తుభ్యం శరభేశ్వరాయ || 1 ||
హరాయ భీమాయ హరిప్రియాయ భవాయ శాంతాయ పరాత్పరాయ |
మృడాయ రుద్రాయ విలోచనాయ నమోఽస్తు తుభ్యం శరభేశ్వరాయ || 2 ||
శీతాంశుచూడాయ దిగంబరాయ సృష్టిస్థితిధ్వంసనకారణాయ |
జటాకలాపాయ జితేంద్రియాయ నమోఽస్తు తుభ్యం శరభేశ్వరాయ || 3 ||
కలంకకంఠాయ భవాంతకాయ కపాలశూలాత్తకరాంబుజాయ |
భుజంగభూషాయ పురాంతకాయ నమోఽస్తు తుభ్యం శరభేశ్వరాయ || 4 ||
శమాదిషట్కాయ యమాంతకాయ యమాదియోగాష్టకసిద్ధిదాయ |
ఉమాధినాథాయ పురాతనాయ నమోఽస్తు తుభ్యం శరభేశ్వరాయ || 5 ||
ఘృణాదిపాశాష్టకవర్జితాయ ఖిలీకృతాస్మత్పథి పూర్వగాయ |
గుణాదిహీనాయ గుణత్రయాయ నమోఽస్తు తుభ్యం శరభేశ్వరాయ || 6 ||
కాలాయ వేదామృతకందలాయ కల్యాణకౌతూహలకారణాయ |
స్థూలాయ సూక్ష్మాయ స్వరూపగాయ నమోఽస్తు తుస్తు తుభ్యం శరభేశ్వరాయ || 7 ||
పంచాననాయానిలభాస్కరాయ పంచాశదర్ణాద్యపరాక్షయాయ |
పంచాక్షరేశాయ జగద్ధితాయ నమోఽస్తు తుభ్యం శరభేశ్వరాయ || 8 ||
ఇతి శ్రీ శరభేశాష్టకం ||
Also read :శ్రీ వేంకటేశ అష్టకం
3 thoughts on “Sarabeswara Ashtakam in Telugu – శ్రీ శరభేశాష్టకం”