Manisha Panchakam in Telugu
Manisha Panchakam holds immense significance in Hindu mythology. It is a set of five verses composed by Adi Shankaracharya, the great Indian philosopher and theologian. These verses beautifully encapsulate the essence of Advaita Vedanta, emphasizing the importance of inner realization and self-awareness. Manisha Panchakam serves as a powerful reminder that true spirituality lies in recognizing the eternal truth of our own existence. It urges individuals to detach from the illusions of the world and embark on a journey of self-discovery. This profound composition has been revered by scholars and seekers alike, as it offers deep insights into the nature of the self and the ultimate reality. Manisha Panchakam acts as a guiding light, leading individuals towards self-realization and liberation from the cycle of birth and death.
మనీషా పంచకం
అనుష్టుప్ ఛందః –
సత్యాచార్యస్య గమనే కదాచిన్ముక్తి దాయకం |
కాశీక్శేత్రం ప్రతి సహ గౌర్యా మార్గే తు శ్ఙ్కరం ||
అంత్యవేషధరం దృష్ట్వా గచ్ఛ గచ్ఛేతి చాబ్రవీత్ |
శంకరఃసోఽపి చాండలస్తం పునః ప్రాహ శ్ఙ్కరం ||
ఆర్యా వృత్త –
అన్నమయాదన్నమయమథవా చైతన్యమేవ చైతన్యాత్ |
యతివర దూరీకర్తుం వాంఛసి కిం బ్రూహి గచ్ఛ గచ్ఛేతి |
శార్దూల విక్రీడిత ఛంద –
ప్రత్యగ్వస్తుని నిస్తరంగసహజానందావబోధాంబుధౌ
విప్రోఽయం శ్వపచోఽయమిత్యపి మహాన్కోఽయం విభేదభ్రమః |
కిం గంగాంబుని బింబితేఽమ్బరమణౌ చాండాలవీథీపయః
పూరే వాఽన్తరమస్తి కాంచనఘటీమృత్కుంభయోర్వాఽమ్బరే ||
జాగ్రత్స్వప్నసుషుప్తిషు స్ఫుటతరా యా సంవిదుజ్జృంభతే
యా బ్రహ్మాదిపిపీలికాంతతనుషు ప్రోతా జగత్సాక్షిణీ |
సైవాహం న చ దృశ్యవస్త్వితి దృఢప్రజ్ఞాపి యస్యాస్తి చే-
చ్చాండాలోఽస్తు స తు ద్విజోఽస్తు గురురిత్యేషా మనీషా మమ || 1 ||
బ్రహ్మైవాహమిదం జగచ్చ సకలం చిన్మాత్రవిస్తారితం
సర్వం చైతదవిద్యయా త్రిగుణయాఽశేషం మయా కల్పితం |
ఇత్థం యస్య దృఢా మతిః సుఖతరే నిత్యే పరే నిర్మలే
చాండాలోఽస్తు స తు ద్విజోఽస్తు గురురిత్యేషా మనీషా మమ || 2 ||
శశ్వన్నశ్వరమేవ విశ్వమఖిలం నిశ్చిత్య వాచా గురో-
ర్నిత్యం బ్రహ్మ నిరంతరం విమృశతా నిర్వ్యాజశాంతాత్మనా |
భూతం భావి చ దుష్కృతం ప్రదహతా సంవిన్మయే పావకే
ప్రారబ్ధాయ సమర్పితం స్వవపురిత్యేషా మనీషా మమ || 3 ||
యా తిర్యఙ్నరదేవతాభిరహమిత్యంతః స్ఫుటా గృహ్యతే
యద్భాసా హృదయాక్షదేహవిషయా భాంతి స్వతోఽచేతనాః |
తాం భాస్యైః పిహితార్కమండలనిభాం స్ఫూర్తిం సదా భావయ-
న్యోగీ నిర్వృతమానసో హి గురురిత్యేషా మనీషా మమ || 4 ||
యత్సౌఖ్యాంబుధిలేశలేశత ఇమే శక్రాదయో నిర్వృతా
యచ్చిత్తే నితరాం ప్రశాంతకలనే లబ్ధ్వా మునిర్నిర్వృతః |
యస్మిన్నిత్యసుఖాంబుధౌ గలితధీర్బ్రహ్మైవ న బ్రహ్మవిద్
యః కశ్చిత్స సురేంద్రవందితపదో నూనం మనీషా మమ || 5 ||
దాసస్తేఽహం దేహదృష్ట్యాఽస్మి శంభో
జాతస్తేంఽశో జీవదృష్ట్యా త్రిదృష్టే |
సర్వస్యాఽఽత్మన్నాత్మదృష్ట్యా త్వమేవే-
త్యేవం మే ధీర్నిశ్చితా సర్వశాస్త్రైః ||
|| ఇతి శ్రీ మచ్ఛంకరభగవతః కృతౌ మనీషా పంచకం సంపూర్ణం ||
Also read : గోవింద నామాలు
