Varahi Anugraha Ashtakam in Telugu
వారాహి అనుగ్రహ అష్టకం అనేగా అమ్మవారి ఎనిమిది చరణాల ప్రార్థన. వారాహి దేవి సప్త మాతృకలలో ఒకరు. ఆమె వరాహ భగవానుని భార్య, విష్ణువు యొక్క వరాహ అవతారం. వారాహి దేవి శ్రీ లలితా త్రిపుర సుందరి దేవి యొక్క అన్ని దళాలకు అధిపతి కాబట్టి దీనిని దండనాయకాంబ అని కూడా పిలుస్తారు.
శ్రీ వారాహి అనుగ్రహాష్టకం
ఈశ్వర ఉవాచ |
మాతర్జగద్రచననాటకసూత్రధార-
-స్త్వద్రూపమాకలయితుం పరమార్థతోఽయమ్ |
ఈశోఽప్యమీశ్వరపదం సముపైతి తాదృక్
కోన్యః స్తవం కిమివ తావకమాదధాతు || 1 ||
నామాని కింతు గృణతస్తవ లోకతుండే
నాడంబరం స్పృశతి దండధరస్య దండః |
తల్లేశలంఘితభవాంబునిధీ యతోఽయం
త్వన్నామసంస్మృతిరియం న పునః స్తుతిస్తే || 2 ||
త్వచ్చింతనాదరసముల్లసదప్రమేయా-
-ఽఽనందోదయాత్సముదితః స్ఫుటరోమహర్షః |
మాతర్నమామి సుదినాని సదేత్యముం త్వా-
-మభ్యర్థయేర్థమితి పూరయతాద్దయాలో || 3 ||
ఇంద్రేందుమౌలివిధికేశవమౌలిరత్న-
-రోచిశ్చయోజ్జ్వలితపాదసరోజయుగ్మే |
చేతో నతౌ మమ సదా ప్రతిబింబితా త్వం
భూయో భవాని భవనాశిని భావయే త్వామ్ || 4 ||
లీలోద్ధృతక్షితితలస్య వరాహమూర్తే-
-ర్వారాహమూర్తిరఖిలార్థకరీ త్వమేవ |
ప్రాలేయరశ్మిసుకలోల్లసితావతంసా
త్వం దేవి వామతనుభాగహరా హరస్య || 5 ||
త్వామంబ తప్తకనకోజ్జ్వలకాంతిమంత-
-ర్యే చింతయంతి యువతీతనుమం గలాంతామ్ |
చక్రాయుధాం త్రినయనాం వరపోత్రివక్త్రాం
తేషాం పదాంబుజయుగం ప్రణమంతి దేవాః || 6 ||
త్వత్సేవనస్ఖలితపాపచయస్య మాత-
-ర్మోక్షోఽపి యస్య న సతో గణనాముపైతి |
దేవాసురోరగనృపూజితపాదపీఠః
కస్యాః శ్రియః స ఖలు భాజనతాం న ధత్తే || 7 ||
కిం దుష్కరం త్వయి మనోవిషయం గతాయాం
కిం దుర్లభం త్వయి విధానువదర్చితాయామ్ |
కిం దుర్భరం త్వయి సకృత్స్మృతిమాగతాయాం
కిం దుర్జయం త్వయి కృతస్తుతివాదపుంసామ్ || 8 ||
ఇతి శ్రీ వారాహి అనుగ్రహాష్టకం |
Also read :ధనదా దేవి స్తోత్రం